| |
Dit is belangrik om te verstaan wat die verskil is tussen Versorgde Verblyf en Verswakte Sorg, en nog belangriker, waar hierdie dienste oorvleuel, sodat u appels met appels kan vergelyk.
Net soos daar verskillende mediese skemas is wat voorsiening maak vir wat u kan bekostig versus wat u kry, kan koste tussen die twee beduidend verskil.
Hier by Panorama het ons dekades se ervaring en bied ons beide Versorgde Verblyf in ons Herberge, en Verswakte Sorg in ons ‘Frail Care Centre’, aan.
So kom ons kyk van nader die verskille sodat u presies weet wat u opneem, en u verwagtinge 100% aan voldoen kan word.
Wat is Versorgde Verblyf, en hoe verskil dit van Verswakte Sorg?
Versorgde Verblyf is ontwerp vir mense wat nog redelik onafhanklik is, maar ondersteuning nodig het met daaglikse take.
Tot nou toe was u heeltemal selfstandig en het op u eie gewoon, maar deesdae raak dit al hoe duideliker dat huiswerk, maaltye voorberei, roetine onderhoud take, om dinge te onthou, na die winkels te ry en om enige nood situasie te hanteer, 'n probleem geword het.
Dit is waarvoor Versorgde Verblyf ontwerp is. Sulke inwoners bly in hul eie eenhede, maar het toegang tot hulp wanneer hulle dit nodig het.
Aan die ander kant is Verswakte Sorg bedoel vir mense wat konstante mediese toesig benodig of nie in staat is om meeste van hul daaglikse take op hul eie uit te voer nie.
In Verswakte Sorg is verpleegpersoneel beskikbaar regdeur die dag en nag om meer intensiewe ondersteuning te bied, insluitend hulp met mobiliteit, voeding en die hantering van ernstige chroniese gesondheidstoestande.
Watter soort dienste kan ek verwag van Versorgde Verblyf?
In 'n Versorgde Verblyf fasiliteit sal u hulp ontvang met take wat dalk vir u moeilik is of wat u lewe eenvoudig net makliker maak, soos maaltye, medisyne bestuur, mediese noodgevalle, vervoer, sekuriteit, skoonmaak en daar is altyd iemand wat ʼn oog oor u gesondheid hou en sal verseker dat u op die regte tyd vir ʼn dokter kontak.
Watter soort dienste kan ek verwag van Verswakte Sorg?
Verpleegsters en versorgers is 24/7 beskikbaar om te help met alle daaglikse aktiwiteite, insluitend bad, aantrek en voeding.
Voortdurende mediese sorg word voorsien vir diegene met chroniese siektes, wat verseker dat gesondheidstoestande deeglik gemonitor word.
Inwoners wat sukkel om rond te beweeg, kry volle ondersteuning, insluitend hulp om uit die bed te kom, die badkamer te gebruik en om in die fasiliteit rond te beweeg.
Dienste kan selfs strek tot palliatiewe of hospice sorg.
Wanneer moet iemand oorweeg om van Versorgde Verblyf na Verswakte Sorg oor te skakel?
Dit hang gewoonlik af van veranderinge in die inwoner se gesondheid.
Tekens dat Verswakte Sorg meer gepas kan wees, sluit in: probleme met basiese take soos bad, aantrek, onbeheerde liggaam funksies, daaglikse mediese aandag weens toestande wat onomkeerbaar is, 'n beduidende agteruitgang in mobiliteit of kognitiewe funksie, en/of gereelde val of ongelukke.
Kan 'n inwoner tydelike hulp ontvang as hulle nog nie gereed is vir Verswakte Sorg nie?
Ja. Versorgde Verblyf bied tydelike daaglikse ondersteuning aan inwoners wat dalk ekstra hulp nodig het as gevolg van korttermyn gesondheid toestande soos herstel ná 'n operasie of siekte.
Dit sluit hulp in met stort, aantrek, inkontinensie-sorg en die aflewering van maaltye.
Hierdie ondersteuning is egter gewoonlik beperk tot 'n paar dae of selfs 'n paar weke, afhangende van die toestand, maar as hulp langer benodig word, mag dit nodig wees om na Verswakte Sorg oor te plaas.
Hoe verskil sosiale aktiwiteite tussen Versorgde Verblyf en Verswakte Sorg?
In Versorgde Verblyf kan inwoners deelneem aan 'n verskeidenheid sosiale aktiwiteite wat ontwerp is om hulle betrokke en aktief te hou, soos oefen klasse, sosiale of godsdienstige geleenthede, of groep uitstappies.
Sosialisering is 'n belangrike deel van die lewe in Versorgde Verblyf en help inwoners om hul geestelike en emosionele welstand te handhaaf.
In Verswakte Sorg is aktiwiteite meer gefokus op individuele behoeftes, aangesien baie inwoners meer rus benodig of mobiliteit probleme het wat hulle verhinder om aan groepaktiwiteite deel te neem.
Hoe vergelyk koste tussen Versorgde Verblyf en Verswakte Sorg?
Versorgde Verblyf is oor die algemeen meer bekostigbaar as Verswakte Sorg, aangesien dit 'n laer vlak van toesig en mediese ondersteuning bied.
Die koste van Versorgde Verblyf kan egter wissel afhangende van die dienste en geriewe wat aangebied word.
Verswakte Sorg is duurder weens die 24/7 mediese toesig en die intensiewe vlak van persoonlike sorg wat voorsien word.
Skakel Cassandra gerus vir meer inligting op 082 331 5565.
Sien ook:
Slaggate om in ag te neem wanneer u besluit oor 'n Versorgde Verblyf fasiliteit
Verstaan die Verskil tussen Versorgde Verblyf en Verswakte Sorg
Hoe duur is Versorgde Verblyf versus om in u eie eiendom te bly?
Wanopvattings oor Versorgde Verblyf: Kom ons kry duidelikheid
Versorgde Verblyf opsies: Hoe verstaan u Lewensreg vs. Deeltitel vs. Huur?
Vrae om Te Vra Wanneer U ‘n Aftree-Oord Besigtig
Finansiële Voorbereiding vir Versorgde Verblyf: Wat U Moet Weet
Meer aangaande die PANORAMA HERBERG Versorgde Verblyf-suites
Benodig u meer inligting? Kontak gerus vir Cassandra:
CASSANDRA O'RILEY
|
Please visit PanoramaHerberg.co.za today!
